Ferhenga Hezar u Yek Peyven Derin Cild: 1-2-3 – Qendil Şeybizini – Sitav Yayınevi

Ferhenga "Hezar û Yek Peyvên Dêrîn" ferhengeke Kurdî-Kurdî ya 3 cildî ye. Her cildek pêktê ji 1001 peyvên bingehîn ku her yek ji wan makder û jêdera sedan peyvên jêsaz e. Geryaneke li pey peyvên dêrîn û windabûyî her ji zimanê sumerî ta pehlewî, avesta û zarên din ên kurdî, her wiha standardkirin û analîzên peyvên di ferhengê de. Bi hezaran fîîl û peyvên windabûyî ku di zimanê nû yê Kurdî de nemane û mirî ne, carek dî hatine vejiyandin û tomarkirin ku her yek ji wan peyvan dikarin bibin esasek bo wate û mebestên di zimanê niha de. Bi vî awayî hem sedan û hezaran wate bi peyvên dêrîn tên tejîkirin, hem bi hezaran peyvên berê jînda dibin û hem jî zimanê nû zêdetir bi kûrahiya zimanên berê yên li Zagros, Toros û Mezopotamiyayê re tê girêdan.
Her wiha li dawiya berga 3'yem de beşek ku cuda ji her sê cildên ferhengê tê de cî digire, pêktê ji komek peyvên nûsaz û pêşniyazkirî û her wiha navên hin beşên cuda cuda di warên cuda cuda de ku ew jî xermaneke kûr û hûr e di navbera peyvên berê û niha de.