Filologiya Bagıtındagı Ayrım İlimiy Cana Metodikalık İzildöölör – Aygül Koylubayeva, Aynura Kanıbekova, Burul Elebesova, Farizat Kuramayeva, Gülnaz Kozubekov, Karlıgaç Cumakadırova, Keldibek Koylubayev – Grafiker Yayınları

Акыркы жылдардагы дүйнөдөгү болуп жаткан тарыхый, маданий өзгөрүүлөр, технологиялык жетишкендиктер жалпы илимий процесске, анын ичинде филология багытындагы изилдөө иштерине да өз таасирин тийгизүүдө. Бул тармакта эмгектенген окумуштуулар арасында ага чейинки илимий табылгаларды, чекит коюлду делген айрым илимий маселелерди, калыптанып калган же адатка айланган изилдөө ыкмаларын кайрадан сын көз менен карап, изилдөө объектилерин башка жаңы өңүттөрдөн колго алуу аракеттери байкала баштады. Мындай аракеттерди өлкөбүздө акыркы жылдары жазылган филология тармагы менен байланыштуу илимий эмгектерден да көрүүгө болот. Ошондой болсо да бул тармакта али чечиле элек талаш- тартыштуу, же болбосо такыр колго алына элек маселелер арбын. Мындай маселелерге изилдөө процессинин тынымсыз жүрүшү, изденүүчүлүк, маселени ар түрдүү өңүттөн анализдөө менен гана чекит коюга болот. Колуңуздагы жыйнак жогоруда биз сөз кылган филология багытындагы илимий процесстин тездешине, жайылышына, колго алынып жаткан изилдөө объектилерине башка окумуштуулардын да көңүл бурушуна аз да болсо салым кошуу максатында чыгарылды. Жыйнакта өлкөбүздө филологиялык изилдөөлөргө өз салымдарын кошуп келе жаткан айрым окумуштуулардын адистик багытына жараша ар кыл тематикадагы макалаларына орун берилди.