Fonemen Kurdi en Kurdolog u Seyyahen Rojavayi (1787-1887) – Raif Yaman – Nubihar Yayınları

Bi sed salan e kurdolog û seyyahên Ewrûpî û Amerîkî bala xwe dane ser ziman, folklor û edebîyata Kurdî. Lînguîst û fîlologên kurdan ên di karên xwe ên lînguîstîk û fîlolojîk da ji xebatên van kurdolog û seyyahan sûd wergirtine pir kêm in. Heta nuka di nav Kurdên bakurî da kêm kesan xebatên fonolojîk ên bi pîvanên lînguîstîk li ser fonemên Kurdî ên van kurdologan pêk hanîne. Ev ji bo me kêmasîyek bû. Ev xebat carek din bi me dide xwîyakirin ku lêkolîn û analîzên li ser awayên nivîstina Kurdî ên kurdolog û seyyahên Ewrûpî û Amerîkî ên sedsala pêşîn a kurdolojîyê çi qas muhîm in. Kurdolog û seyyahên Ewrûpî û Amerîkî ên di sed salên pêşîn ê kurdolojîyê da bala xwe dane ser ziman, edebîyat û folklora Kurdan kî ne? Karê wan ê aslî çi ye? Van kesan Kurdî çawa nivîsîne? Çi qas rast, çi qas şaş nivîsîne? Di derbarê zarûzimanê Kurdî da çi gotine? Di kîjan warên fîlolojî û lînguîstîka Kurdî da xwedî berhem in? Di vê kîtabê da bersîvên van pirsan hene.