Kurd u Kurdistan

Xebata dawî ya Kemal Mezher Ahmed, "Kurd û Kurdistan Di Belgeyên Nehênî yên Brîtanyayê de" bi kurmancî din av weşanên Avesta de derket. Kitêb ji aliyê Ziya Avci ve ji soranî bo kurmancî hatiye wergerandin. Ev berhema hêja ku ji gelek belgenameyên nehênî yên Wezareta Karên Derve ya Brîtanyayê hatine berhevkirin pêk tê, der barê rewşa pirsgirêka kurd û Kurdistanê de gelek agahiyên muhîm ên di salên pêşîn yên sedsala 20an de bi awayekî zelal radixe ber çavan. Ji bo fêmkirina meseleya kurdî û rewşa îro kurd tê de ne, hewcedariya her kurd û her lêkolînerekî bi hûr û kûrî, bi xwendina van belgenameyan heye. Bi sedan belgenameyên nehênî yên Wezareta Karên Derve ya Brîtanyayê ku bi taybetî piştî Şerê Cîhanê yê Yekem ji aliyê sefîr û konsolosên cihê cihê yên Brîtanyayê ve ku hem ji hev re û hem jî ji wezareta xwe ya karên derve re, şandine di vê kitêbê de cih digirin. Hema bibêje der heqê hemû serok, rêber û tevgerên kurd yên wê demê de, gelek agahiyên berfireh di vê kitêbê de cih digirin. Ji pênûsa Kemal Mezher Ahmed, dîroknasê mezin î kurd...