Psychology Kurdi - Sal: 5 Hejmar: 11 – Avesta Yayınları

Cîhan hemû di qonaxeke zehmet re derbas bû. Nediyarî bû parçeyek ji jiyana me. Lêbelê ya baş ew e di şert û mercên xerab de jî mirov hêvîşikestî nebe û bikaribe gavekê bide ber xwe. Herçiqasî hinekî bi dereng ketibe jî niha em piştî hejmareke taybet ya derbarê koronayê ku me online weşandibû bi dosyeyeke nû li pêşberî we ne. Bi vê hejmarê me weke dosyeyê berê xwe da "Koçberî û Derûniya Koçberiyê." Weke ku li ber çavan e, ev mijar mijareke hesas û girîng e ku bandorê li gelek dînamîkên civakê dike. Me jî xwest ku em bi hevpeyvîn û nivîsên curbicur li ser vê mijara girîng rawestin û bi we re parve bikin.