Vitoşi do çxoroşi do sumeneçi do mavitojurani (1972) ǯanas Viǯes (Mğeti), oput̆e Sumlaşi semti Xazaras dobibadi. Geç̆k̆apuri mektebi Viǯe noğas do Sumlas boçodini. Oşkenani mektebi met̆k̆oçineri bore. 1992-ani ǯanas askeronas bort̆işakis iptineri leksi çkimi p̆ç̆ari. Leksis ''Ar Miǯvi'' coxont̆u.
1994-ani ǯanaşi mariaşinaşi tutas ''Ogni'' coxoni mecmua maz̆iruşkule Lazuri onç̆aru guris kodolomapinu. Lazuri albumepekti xolo guris memimşares. Jurvitoşi do mavitoxutani (2015) ǯanas baba, jurvitoşi do mavitoşkitani (2017) ǯanas nana domiğuru. Cuma çkimik̆ala oput̆e Sumlas pskidur.
Çkva do çkva fabrik̆apes ǯut̆a ǯut̆a mebixandi. Ekseri çayi do ntxirite şuri biskedinam. Xes na gokaçunan ham kitabi, 1990-ani ǯanaşen doni ç̆areri leksepe çkimişi goşağeri ren.